កូឡេស្តេរ៉ុល គឺជាសារធាតុដែលត្រូវបានគេរកឃើញនៅក្នុងឈាម ខណៈពេលដែលរាងកាយរបស់អ្នកត្រូវការកូលេស្តេរ៉ុលដើម្បីផលិតកោសិកាដែលមានសុខភាពល្អ ហើយកូលេស្តេរ៉ុលខ្ពស់អាចបង្កើនហានិភ័យនៃជំងឺបេះដូងផងដែរ។ នៅពេលមានកូលេស្តេរ៉ុលខ្ពស់ គឺជាមូលហេតុធ្វើឲ្យជាតិខ្លាញ់នៅក្នុងសរសៃឈាមរបស់អ្នកកើនឡើងដែរ។ ខ្លាញ់ដែលមាននៅក្នុងសរសៃឈាមទាំងនេះធ្វើឱ្យលំហូរនៃចរន្តឈាមថយចុះ ការដឹកនាំឈាមតាមសរសៃអាក់ទែរទៅកាន់បេះដូងមិនគ្រប់គ្រាន់ដែលជាហេតុបង្ករ ហានិភ័យនៃការគាំងបេះដូង។ ការថយចុះលំហូរឈាមទៅចញ្ចឹមកោសិកាខួរក្បាល អាចបណ្តាលឱ្យមានជំងឺដាច់សរសៃឈាមខួរក្បាល (Stroke)។
រោគសញ្ញា
កូលេស្តេរ៉ុលខ្ពស់មិនមានរោគសញ្ញាទេ ការធ្វើតេស្តឈាមគឺជាមធ្យោបាយតែមួយគត់ដើម្បីរកកូលេស្តេរ៉ូលក្នុងសរសៃឈាម។ គ្រូពេទ្យរបស់អ្នកអាចណែនាំឱ្យធ្វើតេស្តញឹកញាប់ប្រសិនបើមានប្រវត្តិគ្រួសារមានកូលេស្តេរ៉ុលខ្ពស់, ជំងឺបេះដូង ឬកត្តាហានិភ័យដទៃទៀតដូចជាការជក់បារី, ជំងឺទឹកនោមផ្អែម និងសម្ពាធឈាមខ្ពស់។
មូលហេតុ
កូឡេស្តេរ៉ុលត្រូវបានគេចម្លងតាមឈាម ភ្ជាប់ជាមួយប្រូតេអីុន ហើយការបញ្ចូលគ្នានៃប្រូតេអីុន និងកូឡេស្តេរ៉ុលត្រូវបានគេហៅថា lipoprotein។
កូឡេស្តេរ៉ុលចែកចេញជាពីរប្រភេទ៖
- Low-density lipoprotein (LDL) ឬ ខ្លាញ់អាក្រក់ត្រូវបានបង្កើតឡើងនៅលើជញ្ជាំងសរសៃឈាមអារទែរដែលធ្វើឱ្យវារឹងនិងតូចចង្អៀត។
- High-density lipoprotein (HDL) ឬ “ខ្លាញ់ល្អ”ព្រោះវាបានដឹកនាំCholesteroleពីផ្នែកផ្សេងៗនៃរាងកាយត្រឡប់កាន់ថ្លើមវិញបន្ទាប់មកវាបានបំលែងកូលេស្តេរ៉ុលចេញពីរាងកាយ។
្របភព៖ Mayoclinic
Leave a Reply