តើអ្វីទៅជាជំងឺដាច់សរសៃឈាមខួរក្បាល?
ជំងឺដាច់សរសៃឈាមខួរក្បាល ដែលគេងតែងហៅថា (Hemorrhagic Stroke) គឺជាជំងឺដែលបង្ក ឡើងដោយការដាច់ឬរហែកសរសៃឈាមខួរក្បាលបណ្តាលឲ្យចរន្តឈាមដែលដឹកនាំអុកស៊ីសែន និងសារធាតុចញ្ចឹមទៅកាន់កោសិការខួរក្បាលត្រូវបានកាត់ផ្តាច់។ នៅពេលបញ្ហានេះកើតឡើង ខួរក្បាលមិនអាចទទួលបានអុកស៊ីសែន ឬសារធាតុចិញ្ចឹមគ្រប់គ្រាន់ ជាហេតុនាំឲ្យកោសិកាខួរក្បាលស្លាប់។
តើជំងឺនេះមានរោគសញ្ញាអ្វីខ្លះ?
ជំងឺដាច់សរសៃឈាមខួរក្បាលកើតឡើងយ៉ាងឆាប់រហ័ស ហើយរោគសញ្ញាតែងតែកើតមាន ភ្លាមៗតែម្តង។ រោគសញ្ញាទូទៅនៃជំងឺដាច់សរសៃឈាមខួរក្បាល មានដូចជា៖
- មានបញ្ហាក្នុងការនិយាយ ភាន់ច្រឡំពាក្យពេចន៍ ឬនិយាយត្រឡាន់
- ស្ពឹកមុខ ដៃ ឬជើង ជាពិសេសគឺស្ពឹកផ្នែកម្ខាងនៃរាងកាយ
- បាត់បង់ស្មារតី ទាំងស្រុង ឬក្នុងកម្រិតមួយ
- ភ្នែកម្ខាង ឬទាំងសងខាង អាចមានអាការៈព្រិលភ្នែក ឬងងឹត
- ឈឺក្បាលខ្លាំងមួយរំពិច អាចមានមកជាមួយនូវការក្អួត វិលមុខ ឬសន្លប់
- បាត់បង់លំនឹងរាងកាយ មិនអាចធ្វើការបំលាស់ទីបាន
អ្នកជំងឺដាច់សរសៃឈាមខួរក្បាលត្រូវការជាចំបាច់ការសង្គ្រោះបន្ទាន់ផ្នែកវេជ្ជសាស្ត្រហើយធ្វើការព្យាបាលអោយទាន់ពេលវេលា ទើបអាចកាត់បន្ថយការខូចខាត កោសិការខួរក្បាលនិងផលវិបាកផ្សេងទៀត។ ក្រោយទទួលការព្យាបាលអ្នកជំងឺត្រូវការជាចំបាច់នៅការមើលថែទាំដិតដល់ដើម្បី អោយស្ថានភាពសុខភាពធូរស្បើយឡើងវិញ។ ការផ្តល់ការថែទាំដោយអ្នកជំនាញឯកទេសបានផ្តល់អត្ថប្រយោជន៏យ៉ាងច្រើនដល់អ្នកជំងឺ និងក្រុមគ្រួសារ។
អ្នកឯកទេសថែទាំអ្នកជំងឺដាច់សរសៃឈាមផ្តោតសំខាន់ទៅលើចំនុច៖
- ស្តារឡើងវិញនូវឯករាជ្យភាពតាមដែលអាចធ្វើបាន ដោយធ្វើឲ្យប្រសើឡើងនៅមុខងាររាងកាយ ផ្លូវចិត្ត និងអារម្មណ៍
- ពិនិត្យមើលមុខងារស្បែកដែលរងការខូចខាត និងរំញោចឡើងវិញ
- ផ្តល់ការព្យាបាលដោយចលនា និងបន្ថែមលំហាត់ប្រាណសកម្មដល់រាងកាយ
- ផ្តោតលើសារៈសំខាន់នៃការថែរក្សាភាពសមត្ថភាពរាងកាយ និងការថែរក្សាអនាម័យប្រចាំថ្ងៃ
- ទាក់ទងបន្ទាន់ទៅកាន់មន្ទីរពេទ្យ ក្នុងករណ៏ស្ថានភាពអ្នកជំងឺមិនប្រក្រតី
អត្ថប្រយោជន៏សម្រាប់អ្នកជំងឺដាច់សរសៃឈាម
អ្នកឯកទេសថែទាំវេជ្ជសាស្រ្ត និងផ្តល់ជូនអ្នកជំងឺនូវការស្តារនីតិសម្បទាប្រកបដោយជំនាញវិជ្ជាជីវៈខ្ពស់ ដូចនេះអ្នកជំងឺ និងទទួលបានការត្រឡប់មកវិញនូវមុខងារសិរីរាង្គដែលខូចខាតឆាប់រហ័សហើយអាច កាត់បន្ថយហានិភ័យនៃការកើតជំងឺដាច់សរសៃឈាមផ្សេងទៀត។ អ្នកឯកទេសថែទាំជួយធ្វើលំហាត់ប្រាណដល់អ្នកជំងឺដើម្បីអាចជួយឲ្យអ្នកជំងឺអាចត្រឡប់មកក្រោកដើរ ប្ញធ្វើចលនាបំលាស់ទីឡើងវិញ។
អត្ថប្រយោជន៏សម្រាប់ក្រុមគ្រួសារ
ការជាសះស្បើយឡើងវិញនៃអ្នកជំងឺ និងការកាត់បន្ថយហានិភ័យនៃការកើតឡើងវិញនៅជំងឺដាច់សរសៃឈាមខួរក្បាលផ្សេងទៀតដែលផ្តល់ដោយអ្នកជំនាញឯកទេសថែទាំ បានជួយកាត់បន្ថយភាពតានតឹង និងការព្រួយបារម្មណ៍របស់សមាជិកគ្រួសារ។ សមាជិកគ្រួសារមានពេលគ្រប់គ្រាន់ក្នុងការប្រកបការងារ និងការមើលថែរក្សា និងអប់រំកូន បញ្ហាសម្ពាធផ្លូវចិត្តត្រូវបានកាត់បន្ថយសម្រាប់អ្នកជំងឺ និងក្រុមគ្រួសារ។
